WATU WATATU WAFARIKI DUNIA KATIKA MATUKIO TOFAUTI

Watu wa tatu wamefariki dunia katika matukio matatu tofauti likiwemo la ajali ya gari aina ya fuso kugonga bajaji . Akithibitisha kutokea kwa tukio hilo kamanda wa polisi mkoa wa kipolisi kinondoni Bw. Charles Kenyela ,alisema tukio hilo lilitokea makutano ya taa mwenge jijini Dar es salaam ambapo fuso lisilofahamika namba wala jina la dereva liligonga bajaji na kusababisha kifo .

Bw.Kenyela alisema kuwa bajaji hiyo iliyokuwa ikitokea ubungo kuelekea cokakola il ikiwa na namba za usajili T130 BPT lililokuwa likiendeshwa na dereva aliyefahamika kwa jina la Bw.Amosi Komba akiwa na abiria Bw.Nyenje Daimu (27) aliyefariki katika ajali hiyo .

Maiti imehifadhiwa katika hospitali ya mwananyamala na juhudi za kumtafuta dereva wa fuso zinaendelea.

Wakati huohuo huko maeneo ya kigamboni mgaza ilikutwa maiti ya Bw. Mohamedi Kitwana (40) ikiwa nyumbani kwake huku mwili wake ukiwa hauna jereha lolote.

Akifafanua kutokea kwa tukio hilo kamanda wa polisi mkoa wa kipolisi Bw. David Misime, alisema tukio hilo lilitokea majira ya saa sita mchana nyumbani kwake na mwili ulikutwa majirani zake , chanzo cha kifo bado hakijafahamika hatahivyo inasadikiwa marehem enzi za uhai wake alikuwa anasambuliwa na ugonjwa wa kifafa , maiti imehifadhiwa hospitali ya vijibweni upelelezi unaendelea.

Katika tukio jingine lililotokea julai 19 mwaka huu majira ya saa 12 maeneo ya vyombo makangalawe wilayani temeke mfanyakazi wa ndani aliyefahamika kwa jina moja la Mariadi (15) alifariki dunia baada ya kurushwa na umeme.

Ikifafanua taarifa iliyotolewa na kamanda Misime ,ilisema tukio hilo lilitokea nyunbani kwa Bi.Asha Nsiani (24) ,mfanyakazi huyo alikuwa akishika chuma kilichoshikilia dishi hatimae kurushwa na kufariki akiwa njiani kuelekea hospitali ya temeke.

.