SOBER KUTOKOMEZA MATUMZI YA DAWA ZA KULEVYA

Asasi ya Sober Tanzania imeandaa mkakati kabambe kusaidia jitiada za Serikali zinazolenga kukomesha utumiaji na biashara za dawa ya kulevya inchini.

Hatua hiyo imefikiwa wakati viongozi wa Serikali na vyombo vinavyodhibiti utumiaji wa dawa za kulevya wakilalamika kukua kwa kasi kwa biashara na utumia wa dawa za kulevya katika maeneo mbalimbali nchini.

Akinguzindua sherehe za kuadhimisha Siku ya Kupinga Utumiaji wa dawa ya kulevya duniani, hivi karibuni jijini Dar es Salaam, Waziri Mkuu alisema; “ Utumiaji na biashara ya dawa za kulevya ni tishio kwa nchi yetu, tatizo hili linazidi kukua licha ya jitiada zinazofanywa kulipunguza.”

Akizungumza na waandishi jana, Katibu Mkuu wa Shirika la Sober  Tanzania, Bw. Fabian Nkingwa, alisema shirika lake limeweka mpango mkakati wa kupambana na matumizi ya biashara za dawa za kulevya.

Alisema mikakati hiyo inalenga kutomeza utumiaji wa dawa za kulevya kwa ujumla wake, ikiwa ni pamoja na kukomesha utumiaji wa pombe za aina zote miongoni mwa  Watanzania.

“Si tumekwenda mbali zaidi badala ya kupambana na matumiza ya dawa za kulevya peke yake, sisi tunajaribu kupinga matumizi ya pombe. Kwetu sisi, pombe ni moja ya dawa ya kulevya, ambazo matumizi yake yanapaswa kukomeshwa,” alisema.

Ili kufikia malengo yake, Katibu Mkuu wa Sober Tanzania, alisema  shirika limeandaa mikakati mikali ya kutoa elimu kwa umma kuhusu madhara ya dawa za kulevya, ikiwa ni pamoja na pombe.

Kama sehemu ya kampeni hizo, Bw. Nkingwa alisema Shirika la Sober Tanzania linahamasisha vijana kuunda vikundi kama vile klubu  na kuelimisha jamii kuhusua madhara yanayotokana na utumiaji wa dawa ya kulevya na mbinu za kujinasua katika utumiaji wa dawa hizo.