SAMSUNG YATOA ZAWADI KWA WATEJA WAKE

Kampuni ya Samsung Tanzania imetoa simu 200 bure kwa wateja wa kwanza kununua simu hizo aina ya 'Samsung Galaxy Pocket' Promosheni hiyo ya siku moja imekuja baada ya kampuni hiyo kuzindua simu hizo juni 14 mwaka huu


Akizungumza kwa ufupi baada ya kuanza kuuzwa simu hizo na kutolewa bure, Meneja mauzo na usambazaji kitengo cha Samsung Mobile Bw.Sylvester Manyara alisema kuwa promosheni hiyo iliyoendeshwa nchi nzima ilitangazwa kupitia vyombo vya habari na mitandao mbalimbali ya kijamii

Alisema kupitia Facebook waliwataka wateja wajitokeze kununua simu hizo katika maduka ya Samsung ili wapate moja bure kwa sababu ni promosheni ya siku moja

“Hii promoheni ilikuwa ni kwa ajili ya wateja 200 tu kwa maana tumetoa simu 400 yaani 200 za bure na 200 za kununua “ alisema

Baadhi ya wateja walionufaika na promosheni hiyo wameipongeza kampuni ya simu ya Samsung kwa kuwajali wateja wake kwa kununua simu moja na kupata nyingine