WABUNGE KUCHUANA TAIFA

Wabunge wa Jamhuri ya muungano wa Tanzania  Simba na Yanga wanatarajia kucheza mechi ya aina yake Julai 7 mwaka huu kwenye uwanja wa Taifa Jijini Dar es Salaam.

Lengo la mechi hiyo ni kuwakutanisha watanzania kuwa kitu kimoja pamoja na kuchangia mfuko wa elimu kwa asilimia 20 ya mapato yatakayopatikana siku hiyo.

Akizungumza na mwandishi wa habari jana jijini dar es Salaam Mratibu wa mechi hiyo Juma Mbizo ambaye pia ni mkurugenzi wa ukumbi wa  Dar Live alisema, wameamua kufanya tamasha hilo ili kuisaidia serikali  kujenga mabweni ya shule kwa upande wa wasichana hapa nchini.

"Tamasha hilo litakuwa la aina yake hasa pale tutakapowaona waheshimiwa wakichuana kwa lengo la kubadilishana mawazo ya nchi kujua wapi walipo na tunapokwenda,"Alisema Mbizo.

Aliwataka wadau mbali mbali wa soka kujitokeza kwa wingi siku hiyo kushuhudia viwango vitakavyoonyeshwa na wabunge hao badala ya kusikia kupitia vyombo vya habari

Pamoja na hayo kutakuwa na burudani mbalimbali kutoka Bongo Muvi na Bongo Fleva wakiwemo wasanii wa kizazi kipya  pamoja na Chameleon wa Uganda vile vile kutakuwa na pambano la ngumi ambalo litawakutanisha  mabondia  Cheka na Kaseba