ABC YAWAZAWADIA WATEJA WAKE

BENKI ABC imehitimisha promosheni yake jana ya Wekaweka Upate na Benki ABC kwa kuwapata washindi wa bahati nasibu iliyochezeshwa mbele ya waandishi wa habari na wawakilishi wa bodi ya bahati nasibu ya Taifa katika tawi la Benki hiyo iliyopo Upanga jijini Dar es Salaam

Akizungumza na waandishi wa habari, Afisa masoko wa benki hiyo Bi.Evelyn Auguste alisema promosheni hiyo ilianza mwezi Novemba mwaka jana ambapo watu mbalimbali walipata nafasi ya kufungua akaunti katika matawi mbalimbali

Alisema promosheni hiyo ilikuwa na lengo la kuwapa wateja nafasi ya kufikia ndoto zao pamoja na namna ya kutunza fedha zao huku wakipata mikopo na kujiongezea nafasi ya kushinda zawadi ya Jenereta, Pikipiki pamoja na tiketi ya ndege ya kwenda na kurudi katika nchi moja wapo ya mashariki ya kati

Bi. Evelyn alisema kuwa promosheni hiyo ilikuwa na akaunti mbili ambazo ni Jipange akaunti na Fixed Deposit akaunti ambazo zilimuwezesha mteja kupata mkopo hadi kufikia asilimia 80 ya akiba yake kwa bei nafuu

“Kivutio kikubwa ni kwamba pamoja na kupata mkopo kwa akiba ailiyoweka, mteja wetu pia anapokea riba ya kiasi cha fedha alichoweka kwenye akaunti yake “ alisema

Pamoja na hayo walipatikana washindi kutokana na droo iliyochezeshwa na mshindi wa kwanza alikuwa Bw. Ntije Nkolante ambaye alishinda tiketi ya ndege , Bw. Rahim Dossa ambaye alishinda pikipiki na mshindi wa tatu alikuwa Bi. Edith Rechungura ambaye alishinda Jenereta