UTAWALA BORA NI NYENZO MUHIMU KATIKA MAISHA

 Ni ukweli  usiopingika kuwa Tanzania tuna haki yakujivunia amani tuliyo nayo kutokana na utawala bora uliodumishwa toka enzi za hayati baba wa Taifa Mwalimu Julius Kambarage Nyerere pamoja na Rais wa Serikali ya mapinduzi ya Zanzibar Bw Abeid Karume.Hali hii inajidhihirisha Maeneo mbalimbali Nchini kutokana na amani na utulivu iliyotanda kutokana na uongozo madhubuti unaojitahidi katika kuhakikisha amani na utulivu inatawala Nchini.

Taifa lolote bila yakuwa na amani lazima kuwepo na machafuko ambayo yataigharimu Nchi kuingia kwenye machafuko ambayo hayatasahaulika kwa vizazi vya sasa na vizazi vijavyo.

Mwenyekiti wa taasisi ya utawala bora(CEGODETA)Bw Thomas Ngawaiya anasema kuwa Tanzania ni moja katia ya Nchi ambayo inapaswa kujivunia amani tuliyo ambayo imeanziswa na waasisi wa Taifa hili.

Anasema Nchi kama Rwanda,Burundi,Somalia,Congo ni mifano halisi ya nchi ambazo mzimejikita katika mapigano ya wenyewe kwa wenyewe kutokana na kutokuwa na Uongozi imara.

Anaongeza kuwa Watanzania wanapaswa kutambua kuwa Taifa lolote lisilokua na utawala bora ni sawa na gari lisilokuwa na mafuta ambalo saa yeyote linaweza kuishia njiani.

Hata hivyo nasema kuwa Wananchi wanapswa kutoyumbishwa na jamii au baadhi ya watu wanaotaka kuondoa amani ya Nchi yetu kwasababu zao binafsi au itikadi zao binasi ili waonekane wao ndiyo bora.

Ngawaiya anasema kuwa utawala bora haukubaliani nao na utahakikisha uatwala bora unahimarika na kudumishwa ili Taifa letu liiisingie kwenye machafuko ya wenyewe kwa wenyewe kama zilivyo Nchi za jirani.

``Kwa kweli sisi kama utwala bora hautuwezi kukubaliana na baadhi ya watu ambao kwa itikiadi zao binfsi wamekuwa wakitaka kuivuruga amani ya Nchi yetu kwasababu zao binfsi``anasema,Bw Ngawaiya.

Anasema kuwa migomo yoye iliyotokea hapa Nchini chanzo chake kikubwa ni itikidai za watu binfsi ambao wantaka kuvuruga amani ya Nchi yetu ili Serikali ione haijafanya jambo lolote kwa watu wake.

Bw Ngawaiya anasema kuwa watu kama hao utawala bora huatawafungia macho na utahakikisha unawataja mara kwa mara ili wajirekebishe na kurejesha amani ya Nchi yetu ambayo tumedumu nayo toka enzi za hayati Baba wa Taifa.

``Migomo yote inayotokea Nchini sisi kama utawala bora tunayo vyanzo vyake ni baadhi ya watu wacchache ambao wanataka Wananchi waichoke Serikali yao,ili waonekane wao wako juu,hivyo hatuo tayari kulifumbia macho tatizo hilo na tutahakikisha tunawafichua ili wachukuliwe hatua za kinidhamu``anasema,Bw Ngawaiya.

Aidha anasema kuwa madaktari pamoja na waalimu wanapaswa kutambua kuwa kiapo walichoapa kipindi wanakuja kazini ni kuhakikisha wanawatumikia Wananchi hivyo basi hawana budi kugoma.

``Nipende kusema katika Serikali yetu sekta ambayo imepewa kipaumbele kuliko sekta zote ni sekta ya afya,hivyo basi ninashangaa pale ninapoona wanagoma huku watanzania wakipoteza maisha tena kwa kodi zao zilizotumika kuwasomesha``anasema,Bw Ngawaiya.

Anasema kuwa madaktari wamependelewa kwa mambo mengi ikiwemo kupewa fedha wakati wakiwa kwenye mafunzo.pamoja na nyongeza ya posho wakati wa muda wa nyongeza kazini.

Anasema kuwa hizo zote ni itikadi za baadhi ya watu wachache ambao wanataka kuivuruga Serikali kwakutumia sekta muhimu ili Serikali ionekane haijafanya kitu kwa wananchi.

``Kwa kweli tunalaani kwa vikali na kupinga watu ambao wanataka kuipoteza amani ya Nchi kwa mambo yao binafsi,haya mambo tukiyanyamazia yataligharimu Taifa letu ambaolo limedumu na amani tangu enzi za hayati baba wa Taifa``anasema,Bw Ngawaiya.

Kwa mujibu wa Bw Ngawaiya anasema kuwa watanzania,wafanyakazi wanatakiwa wasiyumbishwe na baadhi ya watu ambao kwa itikiadi zao wanataka kuvuruga amani ya Nchi kwakuweka mapandikizi,chuki na uzandiki ilimradi amnai ya Nchi yet itoweke.

Hata hivyo anasema kuwa Watanzania wanapaswa kutambua yakuwa Nchi yetu ni moja kati ya Nchi ambayo inapaswa kujivunia kwa amini pamoja na raslimali nyingi ikiwemo mbuga za wanyama,madini madini  ya Tanzanite. pamoja na madini ya Tanzanite.

Bw Ngawaiya anasema kuwa kwanini tusijuvunie na hizi raslimali tulizopewa na Mwenyenzi mungu,na badala yake tunajiingiza kwenye migomo isiyo na tija hapa Nchini

Kwa upande wake Mwenyekiti wa Chama cha wafanyabishara wenye Viwanda,biashara pamoja na wakulima Mkoani Kilimanjaro (TCCIA)Bw Patrick Boisafi anasema kuwa Viongozi wa Wananchi wanapswa kutambua utawala bora siyo kutoa kauli bali ni kuhakikisha Viongozi wanashirikiana na Wananchi katika kutoa maamuzi ili kuondoa migogoro isiyokuwa na ulazima.

Bw Boisafi anasema kuwa mgomo wa mabasi uliotokea hivi karibuni Mkoani Kilimanjaro ni moja katia ya ishara ambayo inaashiria utawala bora unahitajika kusuluhisha ili yasitokee majanga kama hayo tena.

Hata hivyo anaongeza kuwa ipo haja ya Serikali,wadau na taasisi mbalimbali Nchini kukaa chini na kuwafundisha Wananchi juu ya utawala bora ili kuondoa migogoro baina ya Wananchi na Viongozi wao.

Hata hivyo anasema kuwa Wananchi wanapaswa kutambua yakuwa utawala bora siyo maisha bora kwa kila mtanzania kufanyiwa kila kitu na Serikali bali utawala bora ni jinsi gani  unavyoifanyia mambo ya maendeleo Nchi yako.

Aidha anasema kuwa Watanzania wanapswa kufuta usemi wa maisha bora kwa kila mtanzania ni lazima Serikali ikufanyie kila kitu,bali wanatakiwa kutumia fursa zilizopo kama mabenki,vyama vya akiba na mikopo katika kukopa mikopo yenye riba nafuu ili iwakwamue kwenye hali ngumu ya maisha.

``Maisha bora kwa kila Mtanzania siyo lazima Serikali ikufanyie kila kitu,bali tunatakiwa tujibidiishe kwakufanya kazi kwa bidii ili tumuondoe adu mbaya maskini ambaye amekuwa akituweka kwenye hali ngumu ya maisha.

Anaongeza kuwa tatizo la Vijana walio wengi hapa Nchini ni kushabikia vyama vya siasa pasipokuangalia mustalbali wa maisha wa maisha yao hali inayopelekea kuilaumu Serikali haijawanyia kitu.

``Maisha bora kwa kila mtanzania siyo Serikali ikufanyie kila kitu,bali ni wewe mwenyewe unavyojituma na kutumia fursa zilizopo kama mabenki,pamoja na vyama vya akiba na mikipo ili vikunufaishe katika kujikwamua na hali ngumu ya maisha``anasema,Bw Boisafi.

Bw Boisafi anasema kuwa Wananchi wanapswa kutambua yakuwa maisha bora siyo mpaka Serikali ikuletee kila kitu mpaka nyumbani kwako wewe mwenyewe badala yake wajikite katika kupambana na kazi ili iwe suluhu ya matatizo yao.

Bw Boisafi anasema kuwa katika kuhakikisha Wananchi wanajikomboa kwenye hali ngumu ya maisha,chama hicho kinawakaribisha Wananchi wajiunge nacho ili wabadilishane ujuzi na uzoefu wa kibishara ili waondokane na tatizo sugu la maisha.

``Tunawakaribisha Wananchi wote wanaotaka kujiunga na chama chetu ili nao wanufaike na elimu yakujikwamue na tatizo sugu la maisha linalowakabili watu wengi kwa sasa hapa Nchini.

Boisafi anawakaribisha watu wote wanaohitaji kuja kuwekeza Mkoani hapa ili kuongeza ajira pamoja na kuwakwamua watu kwenye hali ngumu ya maisha.

``Kwa kweli Kilimanjaro ni moja katia ya Mji ambao tunajivunia una raslimali nyingi ikiwemo Mlima Kilimanjaro,mashamba ya kahawa,hivyo basi kwa niaba ya Wanakilimanjaro tunawakaribisha wale wanaotaka kuja kuwekeza waje ili tusukume gurudumu la maendeleo Mkoani hapa``anasema,Bw Boisafi.

Mwisho.